Etxebarri Bizigunea Tasatuak

• Kanpoko itxitura nagusiki zeramika aireztatuzkoa izango da, isolamendu termikoa izango du, adreilu trinkoa eta igeltsu ijeztuzko trenkada bidezko barneko trasdosatua.

• Barne-banaketa igeltsu ijeztuzko trenkada eta mehelin bidez egingo da, adreiluzko eta igeltsu ijeztuzko soluzio mistoarekin, araudi termiko-akustikoa betez.

• Leihoak PVCzko profileriadunak izango dira, eta beira bikoitzeko isolamendu termikoa izango dute, aire-ganbera deshidratatua osatuta.

• Pertsianak aluminiozkoak izango dira, block erakoak, isolamendu eta guzti.

• Gela guztiak, sukaldea, bainugelak eta komunak izan ezik, zoru flotatzaile ijeztu bidez zolatuko dira, morteroko sendogarriaren gainean ezarria, eta talka-kontrako xafla izango dute. Zenbait aukeraren artean hautatzeko.

• Komunetan, bainugeletan eta sukaldean gres-baldosak jarriko dira. Zenbait aukeraren artean hautatzeko.
• Ezkaratz eta eskaileretako estaldura granito-harri naturalez egingo da.

• Igeltsu ijeztuzko sabai aizuna bainugeletan, komunetan, korridoreetan eta ezkaratzetan, baita gainerako geletako zati jakin batzuetan ere, instalazioak pasatzea ahalbidetzeko.

• Bistako hormigoia garajeetako sabaian.

• Berokuntzarako eta etxeko ura berotzeko banako galdara.

• Aluminiozko banako erradiadore modularrak instalatuko dira berokuntza izango duten gela guztietan. Berokuntza-sistema egongelan kokatutako banako kronotermostatoen bidez kontrolatuko da.

• Iturri berriztagarrietatik datorren energia-ekarpena, legeak ezartzen duena betez.

• Eguzki-energia termikoa edo, halakorik ezean, aerotermia erabiliko da etxeko ur beroa sortzeko.
• A energia-kalifikazioa.

• Behe Tentsioko Erregelamendu Elektroteknikoaren araberako instalazio elektrikoa.

• Espazio komunetako argiztapena presentzia-detektagailuen bidez jarriko da abian eta LED luminariak izango ditu.
• Mekanismo elektrikoak SIMON 28 markakoak edo antzekoak.
• Bideo-atezainaren instalazioa.
• Logela guztietan, egongelan eta sukaldean irrati eta telebistarako puntuak instalatuko dira.
• Telefonia-instalazioa hainbat operadorerentzat aurreikusita dago, eta etxebizitzako logela guztietan, egongelan eta sukaldean daude telefono-puntuak.

Pertsonalizazio-zerbitzuak bana-banako arreta ematen dio bezero bakoitzari haren etxebizitzaren akaberak definitzen diren bitartean, eta obrarako bisita bat egiten da akaberen hasierako fasean (zoru flotatzaileak).

BEZEROARENTZAT KOSTURIK IZAN GABE ALDATZEKO AUKERAK:                 

• PINTURA: pareten kolorea sustatzaileak aurrez definitutako 3 koloreren artean hautatu ahal izango da. Gela bakoitza kolore bakarrekoa izango da. Sabaiak zuriak izango dira.
• ATEAK: sustatzaileak aurrez definitutako 4 akabera motaren artean hautatu ahal izango da; horietako bat melaminazko akabera zuria izango da.
• ZUREZKO ZOLADURAK: sustatzaileak aurrez definitutako zoru flotatzaile ijeztuaren 4 akaberaren artean hautatu ahal izango da.  Zokaloak pasaerako ateekin bat etorriko dira.
• ALIKATATU ETA ZOLADURA ZERAMIKOAK: sukalderako eta bainugeletarako, sustatzaileak aurrez definitutako 5 konbinazioren artean hautatu ahal izango da.
• ESTRAK: aurrekontua eskatu ahal izango da, inongo konpromisorik gabe, sustatzaileak aurrez definitutako pack hauek kontratatzeko:

• Sukaldeetako ekipamendua, armairuekin eta etxetresna elektrikoekin.
• Logeletarako horma-armairuak.
• Argi-azterketa eta argi-puntuen instalazioa.
• Erradiadoreen ordez zoru erradiatzailea jartzea.
• Azken belaunaldiko termostato programagarria, urruneko kontrolerako APParekin.
• Oharra: aipatutako akaberak hautatzeko aukera obraren aurrerapen-mailaren mende dago. Adibidez, egitura amaitu ondoren ezin izango da hautatu erradiadoreen ordez zoru erradiatzailea jartzeko packa.

• Kalitateen memoria honetan deskribatutakoa aurrerapen edo aipamen moduan egin da; izatez, arrazoi teknikoak direla medio, proiektua egin duten arkitektoek eta obra-zuzendariek interpretatu edo erabaki beharko dituzte egin daitezkeen aldaketak eta gauzatze-arauak, betiere aditzera emandako kalitateen kalterik gabe.

• Ohartarazi nahi da solairuen planoetan zehazten diren zutabeen dimentsioak sekzio estandarra duela, eta dimentsio hori handitu ahal izango dela etxebizitza kokatzen den solairuaren altueraren arabera eta instalazioen pasabidearen arabera. Era berean, planoetan islatzen ez diren eraikinaren instalazioetarako beste pasabide eta hozkadura batzuk ager daitezke.
• Teknikari adituen jakituriarekin eta ezagutzarekin egingo da obra, eta beti jarraituko zaio eraikuntza behar bezala egitearen arauari, indarrean dauden arauen perdoiak onartuta.